5斗米

年初二朝早重播勁歌頒獎禮，在拜年時電視長開無人理的情況下，我和親戚毫無交流，唯有望住電視機，留意到嘅，當然唔係林峯攞獎和其得意髮型，我反而留意到三位主持。

蛋哥是香港樂壇第一代頒獎禮司儀，勁歌叱咤都做過，他當然知道樂壇的不滯現況。做了勁歌節目主持，似有雄心幫手改變現況。但是，從勁歌頒獎禮的home party式圍威喂，沒理由一位曾是DJ、經歷叱咤洗禮，會甘心成為這個home party的主禮。唯一原因，是搵食。對，蛋哥貴為無線藝員訓練班校長，食君之祿，擔君之憂，唯有頂硬上！事實上，視帝頒獎，張達明一出場就多謝蛋哥，給他做藝訓班導師，我相信這份工作經濟上幫達明不少。蛋哥除了自己，可能還幫其他兄弟。所以，無論如何，一定要做。

何況Do姐也要做？Do姐地位，不想做就不做，她和樂壇一向絕緣，不難想像她有多抗拒做勁歌頒獎主持。叱咤出一part過下癮沒所謂，你要她出全晚，我想叱咤邀請她實一口拒絕。但勁歌呢，沒辦法，因為她是無線人。說到尾，她也只是一個員工，即使阿姐級，仍是出份糧。所以，無論如何，一定要做。

崔波波，唔駛講，雪完一排，有得做好做。所以，無論如何，一定要做。

出嚟做嘢就係咁，邊有得講良心。你出咗糧，就麻煩你做得好好睇睇。我敬重三位主持。比起特首，他們更值得大家給予掌聲。